Li Amedê 9emîn Sempozyûma Aborî Siyaset û Rêveberiyê ya Navneteweyî de hate gotin ku Pêvajoya Aştî û Civaka Demokratîk ji bo pêşketina aboriyê gelekî girîng e.
Li Amedê bi pêşengtiya Odeya Bazirganî û Pîşesaziyê ya Amedê, Zanîngeha Dîcleyê, Borsaya Bazirganiyê ya Amedê, Herêma Organizeyê ya Pîşesaziyê ya Amedê, DOGUNSIFEDê û Rojnameya Aboriyê 9emîn Sempozyûma Aborî Siyaset û Rêveberiyê ya Navneteweyî li DTSOyê dest pê kir. Li gel mamosteyên zanîngehê, lêkolîner, karsazan gelek kes tev li sempozyûmê bûn.
Serokê DTSOyê Mehmet Kaya di sempozyûmê de axaftinek kir û wiha got: “Divê Tirkiye polîtîkayên xwe yên ewlehiyê tevî aborî û bazirganiya derve bimeşîne. Ev pêvajoya berdewam dike ne tenê ji bo aştiya civakê, ji bo pêşketina aboriyê jî pir girîng e.”
Piştî axaftinan, sempozyûm bi rûniştina bi navê “Di Karsaziyê de Guherîna Dîjîtal û Hiqûqî: Ewropa û Tirkiye” berdewam dike.
