Mehmet Saît Uçlu Rojawan de 29ê Adare 2021î de bi netîceya nêweşî rehmet kerd, Uçlu 3 cîltê bi nameyê “Vejîna Welatê Roje de-AMARA” romanêk nuştbî û no roman Kurdî ra ame açarnayiş.
Nê 100 serra ke têkoşînê azadîya şarê Kurdî domyeno. No têkoşîn de bi dêjan barkerde ya. No rayîr de zafer zî estê, mağlubiyet zî estê. Na raywanî hema zî sey çemê Dîcle û Firatî azadî ra domyeno. Rayberê PKKî Abdullah Ocalan seba nuştişê her tim giranî da, çimkî nuştiş mezgêk û hîşyarîyêk awan keno. No mezg, ê ma hemin o. Xususîya cayê PKKî tarîxê şarî ma de esto. Abdullah Ocalan Newroza 1973î de destpê hareketêk kerd û vejînêkî ra rayberî kerd. PKK Mezopotamya de bî nameyê cuyaye.
No têkoşîn, romanê eşq, heqîqet û azadîye yo. Mehmet Saît Uçlu bi kedî Vejîna Welatê Roje de-AMARA nuşt. Uçlu no romanî de behsê mintiqayêkî nuşto, yew bi yew nê mintiqayan gêrayo û peynîya cigêrayiş û bi hîsê şoreşgerî no roman hadre kerdo. Romanê AMARAyî netîceyê xeyelêk nîyo, cuya ma yo, estaneka şarê ma yo. No roman, romanê Rayberê PKKî Abdullah Ocalanî yo.
Kitab bal anceno tarîxê şarê Kurdî ra
No kitab, têkoşîn û tarîxê 200 serra şarê Kurdî bal anceno û 3 cîltî ra yeno meydan. Kitab de têkoşînê şarê Kurdî bi estaneka malbatêkî dano famkerdiş. Nuştox, no roman de cuyaya dewe de zordarîyê ke yenê antiş sey xelqeya zîncîrî pêrabesteno. Hewna roman de serewedartiş û qewimyayişê girde ra behs keno û peynî zî estanekê trajîkî bi sebrî açarneno estaneka omidî ra.
Bi hetkarîya Weşanê Meymanî de no kitab bi Kurdî ame çapkerdiş, bi ziwanê dayîka xo biwanê. Romanê Vejîya Welatê Roje de-AMARA, Ewropa de heme merkezê komelî yê Kurd, festîval û standê şayîyan de yeno peydakerdiş.
