Li bajarê Viacha yê rojavayê Bolîvyayê di tesîsa leşkerî de teqînek pêk hat û di encamê de 2 kesan jiyana xwe ji dest da û 59 kes jî birîndar bû.
Li bajarê Viacha yê rojavayê Bolîvyayê di tesîsa leşkerî de teqînek qewimî. Teqîna ku dikeve 30 kîlometreyê başûrê La Paz, li gorî saeta herêmî 14.30an pêk hat.
Piştî teqînê dûyeke reş bilind bû, camên malên li derdorê şikestin û bi bandora teqînê re parçeyên enkazê belavî derdor bûn.
Berdevkê polîsan Albay Roger Roca diyar kir ku li cihê bûyerê 2 kesan jiyana xwe ji dest dan û 59 kes birîndaran bûne ku ji xeynî sivîlan leşker jî di nav birîndaran de hene. Her wiha polîsan ragihand ku 7 kes jî winda ne.
Wezareta Parastinê ya Bolîvyayê diyar kir ku malzemeya teqiya, ji fîşekên hewayî ya ji bo saziya leşkerî dihat bikaranîn, pêk dihat.
Serokê Dewletê Rodrigo Paz jî ji bo diyarkirina sedemên bûyerê, ferman da ku lêpirsîneke ‘teknîk û zelal’ were meşandin.
Paz got ku divê were diyarkirin ka protokolên ewlekariyê hatine bicihanîn yan na û ger berspirsyar hebin divê bên diyarkirin.
