Cangoriyên azadiyê yên doza Kurdistanê li Amedê bi girseyî tên bibîranîn. Wêneyên cangoriyan li pey hev hatine rêzkirin, malbat li ber wêneyên zarokên xwe peyama xwedîderketina doza zarokên xwe û serbilindiya xwe dikin. Wêneyên ku ketin ber kadraja ajansa me gelek peyaman raberî mirovan dike.
Bi Pêşengtiya Komeleya Yekîtî Çand Piştevanî û Alîkariyê ya bi Malbatên ku di Dergûşa Şaristaniyê de Xizmên Xwe Winda Kirine re (MEBYA-DER) ya Amedê ji bo cangoriyên Tevgera Azadiyê ya Kurd ên di dîrokên cuda de jiyana xwe ji dest dane, li Parka Koşuyoluyê ya Amedê konê şînê hatibû danîn. Şîna cangoriyan di roja sêyemîn de didome. Wêneyên ji konê şînê ketine ber kadraja Ajansa Welat (AW) gelek peyaman raberî mirovan dike.
Li bin konê bîranînê wêneyê cangoriyên ku di dem û cihên cuda de jiyana xwe ji dest dane, li ser maseyan hatine danîn. Malbatên cangoriyan li ber wêneyên zarokên xwe, bi ser bilindî amade ne. Bi hezaran kes serdana konê şîna cangoriyan dikin û tev li êş û serbilindiya malbatan dibin.
