Gerînendehiya Karên Civakî û Çandî ya Şaredariya Peyasê, bi boneya 21ê Sibatê Roja Zimanê Zikmakî dê panel, dîwana dengbêjan, şahiya zarokan û serdana dikandaran pêk bîne.
Gerînendehiya Çand û Karên Civakî ya Şaredariya Peyasê di çarçoveya 21ê Sibatê Roja Zimanê Zikmakî ya Cîhanê de bi çalakiyên cuda pîroz dike. Çalakî dê dora hefteyekê bidome. Gerînendehiya Karên Civakî û Çandî ya Şaredariya Peyasê bernameyên ku amade kiriye eşkere kir. Gerînendehî di wiha dibêje: “Sînorê zimanê me sînorê nasnameya me ye. Ji ber vê em roja zimanê zikmakî ya navnetewî di rojekê tenê de asê nahêlin û weke pîrozbahî em ê hefteyekê bidin ber xwe û pîroz bikin.”
Bernameya ku ji aliyê Gerînendehiya Karên Civakî û Çandî ya Şaredariya Peyasê ve hatiye amadekirin wiha ye:
16ê Sibatê: Li Akademiya Zanistê ya Şaredariya Peyasê dê ji bo zarok û ciwanên li wir şahiyeke navxweyî çêbibe. Her wiha dê ev xebat ji bo xwendekarên li Aydin Erdem û Alî Emîrî jî vekirî be.
17ê Sibatê: Dê bi awayekî girseyî serdana bazara taxê ya li pişt Ceylanê AVMê bê kirin û kartên fêkî û zerzewatan dê li bazarvanan û dikandaran û li welatiyan bên belavkirin.
18ê Sibatê: Li Eywana Xwendinê ya Arjen Arî dê panel û şevbuhêrka dengbêjan bê lidarxistin. Bi dirûşma “Deng û Dîwan”, bi moderatoriya Bêrîvan Matyar, wek axaftvan û panelîst Weysî Varlî û Serwet Denîz beşdar dibe. Di heman demê de dîwana dengbêjan ji dengbêj Hedîye û Emerê Entaxî li dar dikeve.
18ê Sibatê: Li Pirtûkxaneya Berhemên Jinan ya Şaredariya Peyasê bi dirûşma “Bi Pênûsa Jinê, Zimanê Dayikê”, bi moderatoriya Dîlan Guvenç, wek axaftvan û panelîst Nivîskar Leyla Saraç û Herdem Merwanî beşdar dibe.
19ê Sibatê: Li Kargeha Hunerê ya Şaredariya Peyasê dê ji bo zarok û ciwanên li wir û li saziyên me yên perwerdehiyê şahiyek bê lidarxistin.
20ê Sibatê: Zarokên Perperîkeyê dê ligel malbatên xwe û xebatkarên Perperîkeyê biçin serdana Mala Dengbêjan û li dengbêjan guhdarî bikin.
21ê Sibatê: Li Xalxalokê dê şahiyek bê lidarxistin û 21ê Sibatê were pîrozkirin.
