Sûrîye de rîyê teqîyayîşê mayînan û hêrîşanê çekdaran ra pêroyê welatî de rojêk de 11 kesan cuya xo vîndî kerd.
Vizêr şaristananê Sûrîye de rêzehedîseyê cîyayî bîyî ke encamê înan de 11 kesî ameyî kiştiş.
Goreyê xebera ANHA’yî; şaristanê El Dumeyrî yê dewanê Şamî de xortêk demo ke çekêk xebitnayêne, bi guleyêk merd. Sewbîna, demê xebata kenayîşî ya nêzdîyê tabûrê “Bala” de, cenazaya 4 kesan ameyî vînayene ke yeno texmînkerdene ke demê rejimê Baasî de ameyê nimitiş.
Humus de, xortêk serê banê keyeyê xo yê Taxa Ermenîyan de bi guleyêko şaş ame kiştiş.
Eynî wextî de, dewanê Kabana ya Lazkîye de endamêkê Wezaretê Pawitişî yê hukmatê demkî bi teqîyayîşê mayînêkî ame kiştiş. Dewanê Helebî de, cinîyêka ciwane ya astengdare dewêka Xirbet Şahabî de ameye kiştiş.
Sewbîna nêzdîyê dewêka Şîtka ya qezaya Mabeta ya Efrînî de welatîyêk demo ke serê erdê xo de xebitîyayêne, bi guleyanê kesê ke nasnameyê înan dîyar nîyyo, ame kiştiş.
Dewa Duweyr El Ekradî ya Hemayî de kesêk rîyê teqîyayîşê mayînêk ra ame kiştiş.
Welatîyanê dewanê Îdlîbî demê hîrakerdişê rayîrî yê mabênê vakurê Îdlîb û Erîha de cenazaya camêrdêkî ke nasnameyê ey dîyar nîyo, dî.
