Kuweytê piştî ku deriyê wê yê sînor ê bi Iraqê re bû armanca êrîşa dronan, ev derî bi awayekî demkî girt.
Li gor medyaya Iraqê, Kuweytê piştî êrîşa bi dronan a Îranê, deriyê sînor ê Ebdelî yê li gel Iraqê bi awayek demkî girt.
Li gorî dîmenên hatine belavkirin, piştî êrîşa bi dronan a Îranê, dukel ji sînorê Kuweytê bilind dibe lê heta niha nayê zanîn cihê hatî bombebarankirin cihê leşkerî ye yan jî saziyek sivîl e.
Di rojên dawî de Îran wek bersiva êrîşên DYAyê bi dron û mûşekan êrîşî ser xaka Kuweytê dike. Li gor gotina rayedarên Îranê, ew baregeh û navendên girêdayî DYAyê hedef digirin.
