Li navçeya Reya Armûşê ya Wanê li taxa Dereçalikê ya navendî ku dikeve hemberî AVMê xebata çêkirina lojmanên leşkerî ku çend roj in destpêkiribû. Derket holê ku ev xebat bi awayekî qaçax tê meşandin û qada xebatê ji aliyê zabitayên Şaredariya Rêya Armûşê ve hate mohrkirin.
Li navçeya Reya Armûşê ya Wanê li taxa Dereçalikê ya navendî ku dikeve hemberî AVMê ev çend roj in xebata çêkirina lojmanên leşkerî destpêkiribû. Derket holê ku ev xebat bi awayekî qaçax tê meşandin û qada xebatê ji aliyê zabitayên Şaredariya Rêya Armûşê ve hate mohrkirin. Li navçeya Reya Armûşê ya Wanê li taxa Dereçalikê ya navendî ku dikeve hemberî AVMê, li ser girava bi hejma 217 û parsela 34 û 35an çêkirina lojmanên leşkerî destpêkiriye.
Şaredariya DEM Partiyê xwestibû bike parq
Ev dera ku nav bihorî berê wek cihê leşkaran dihat bikaranîn lê di Plana Îmarê ya Nazim a bi pîvana 1/5000 de ku di sala 2018an de hatibû pejirandin, wekî “Qada Xizmeta Giştî” hatibû plankirin. Guhertina planê ji aliyê meclisa Şaredariya Bajarê Mezin a Wanê ve di serdema rêveberiya DEM Partiyê de bi armanca veguherandina herêmê bo qada parkê hatibû kirin. Anku Guhertina Plana Îmarê ya Nazim a bi pîvana 1/5000 ku li gorî biryara 13ê Îlona 2024an a bi hejmara 375an hatibû amadekirin, bi biryara meclisa şaredariyê ya 13ê Kanûna 2024an a bi hejmara 592yan ji aliyê meclisa şaredariyê ve hatibû qebûlkirin.
Qayim xwesteka gel na ya cendirmeyan pêkanî
Lê qayimê Şaredariya Bajarê Mezin ê Wanê li ser îtiraza Rêveberiya Bajêr a Jîngeh, Bajarvanî û Guhertina Avhewayê ya Wanê û Fermandariya Giştî ya Cendirmeyan biryara meclisa şaredariyê betal kir. Piştî betalkirina vê biryarê li qadê kolandina ji bo avahiya lojmanan dest pêkir. Derket holê ku qayim ji bo kolandinê îhale pêkaniye li bi awayekî qaçax karê kolandinê daye destpêkirin. Cîhê ku xebat lê tê kirin di nav sînorê Şaredariya Rêya Armûşê de ye, lê ji bo kolandinê ji şaredariyê rûhsat nehatiye girtin.
