Festîvala Xoza û Kulturî ya Depî ke emser do raya 3. bêra viraştiş, do 31ê temmuze ra hetanî şanê 2yê tebaxe dewam bikera.
Tarîxê Festîvala Xoza û Kulturî ya Depî ya 3. ame dîyarkerdiş ke qezaya Depî ya Xarpêtî de do bêra viraştiş. Komîteyê Festîvale eşkera kerd ke çalakî do 31ê temmuze ra hetanî 2yê tebaxe dewam bikero.
Hemşaredarê Şaredarîya Depî Cafer Ogurî îfade kerd ke Festîvala Xoza û Kulturî ya Depî do emser zî bi programêko dewlemend bêra viraştiş. Cafer Ogurî vat ke festîval do 31ê temmuze de Ortaparkê Depî bi dîwanê dengbêjan dest pêbikero û 1 û 2 yê tebaxe de Baxçeyê Neteweyê yê Taxa Bahçelîevlerê bi konser, çalakîyê kultur û pêvînayîşan bidomo. Cafer Ogurî sewbîna vat ke warê fesîvalî de do standê rotişî û çalakîyê komelkî zî ca bigrê.
Vengdayîşê beşdarbîyayîşî
Cafer Ogur seba beşdarbîyayîşê festîvale veng da û wina vat: “Ma heme şarê xo seba girdkerdişê dostanî, piştîdayîşî û kulturê cuya hempare dawetê Festîvalê Xoza û Kulturî ê Depî ê serra 2026î kenê. Bêrê ma xoza, kultur û hunerî de bibê yew.”
Festîvale de do Koma Amed, Erol Berxwedan, Silbûs û Tarî, Eylul Nazlier û Azad Bedran sehne bigîrê.
