Îsraîlî badê hişyarîyan dest bi hêrişan kerd. Bi maneya noqtayanê Hizbullahî yê başûrê Beyrûdî de zaf cayî ameyî bombarduman kerdene. Ame zanayene ke nê hêrişan de zaf merdeyî û birîndarî est ê.
Artêşa Pawitişê İsraîlî (IDF) banliyoyanê başûrê paytextê Lubnanî Beyrûdî de hêrişî kerdî. İsraîlî nê di rojî yo hişyarî dayêne ke şar noqtayanê nêzdiyê ‘kampanê’ Hizbullahî terk bîkero. Dimayê hişyarîyan başûrê Lubnanî û yew mehlaya Beyrudî de hêrişê giranî ameyî kerdene.
Xeylê awanî rijîyayê
Dîmenê ke badê hêrişê herêma Dahîye ya Beyrudî ameyê girewtene, nişan danê ke nê hêrişî de yew tesîsê binawanî yê Hizbullahî hedef ameyo girewtene. La derheqê cayanê binan ê ke ameyî bombarduman kerdene de agahiyê zelalî nêameyê destkewtene.
Hizbullahî saetanê şewdirî de bi dronan hêrişê hêzanê İsraîlî kerdbi. Dîmenê nê hêrişan weşanayî bî û waştbî ke İsraîl erdê Lubnanî ra xo tepîya bianco.
