ANKA-DER, kombîyayîşê statu û perwerdeyê kurdkî organîze kena. Kombîyayîşêko 4 roşniştişan ra ware yena de statu û perwerdeyîya bi ziwanî kurdkî ser o erjnayîş do bêro kerdene.
Komeleya Ziwan, Kultur û Hunerî ya Ankayî (ANKA-DER), Merkezê Bazîrganî yê Dinya yê qezaya Çankaya ya Anqera de Kombîyayîşê Statuyê Ziwanê Kurdkî û Perwerdeyê bi Kurdkî organîze kerd. Kombîyayîş do 4 rojan ra warê bêro û roniştişan de tarîxnas, ziwanzan, siyasetmedar û huqûqnas heqê ziwanê kurdkî, astengîyanê verê perwerdeyê kurdkî û waştişê statuyê ziwanê kurdkî ser o erjnayîşan bikerê.
Kombîyayîşo ke bi beşdarîya xeylî kesan virazêno, bi deqîqayêk rêze girewtişî seba cangorîyanê aştî û demokrasîye dest pêkerd.
Destpêke de mamosteyê ANKA-DER’î Dogan Şenses qisey kerd û qalê muhtewaya kombîyayîşî kerd. Badê ey Hemsereka ANKA-DER’î Ferîde Akturan qisey kerd û dîyar kerd ke amancê înan nê kombîyayîşî garantîkerdişê perwerde û statuyê ziwanê kurdkî yo û wina vat: “Heqê ziwanê kurdkî heqêko bingeyîn o. Ma bi nê kombîyayîşê waşt ke çareserîya problemanê kurdkî ser o nîqaşan bikeri. Ma hêvî kenê ke nê nîqaşî ameyoxê xebatanê ma roşnî bikerê.”
Badê qiseykerdişan kombîyayîş bi roniştişo yewin dest pêkerd. Roniştişo yewin de bi moderatorîya Rojhat Eren Emîcî, endamê TEV-KOM’î Mîray Midyad û Omer Bayraktar do statuya ziwanê kurdkî û perwerdeyîya bi kurdkî de rol û mîsyonê ciwanan, medyaya dîjîtal û zîrekîya viraşteyî de ziwanî kurdkî ser o erjnayîşan bikerê.
