Înîsîyatîfê Cinîyan ê Mi Rê Aştî Lazim a, sergêra merasîmê veşnayîşê çekan de vernîya Meclîsî de yenê têhet.
Înîsîyatîfê Cinîyan ê Mi Rê Aştî Lazim, do sergêra merasîmê 11ê temmuze 2025î de ke bi rayberîya Besê Hozat Grûba Aştî û Komelê Demokratîkî ya ke 30 kesan ra ameyêne pê çekê xo veşnaybî, Berê Dîkmenî yê Meclîsî de eşkerayî bido. Eşkerayîya de ke 11ê temmuze roja şeme saate 11:00î de bêra dayene, cinîyî “5 waştişê lezgînî” yê ke verê cû zî pêşkêşê Meclîsî kerdbî, do reyna îfade bikerê û do bibê taqîbkerdoxê nê waştişan. 5 waştişê ke cinîyan verê cû pêşkêşê Meclîsî kerdbî wina yê:
- Qanûnê Têkoşînê Vera Terorî (TMK) bêro wedaritene; sîyasat nêbo suc û girewteyê sîyasî bêrê veradayene
- Kerdişê qeyûman bêrê vindarnayene; îradeyê demokratîk ê şarî bêro naskerdene
- Heqê perwerdeyê bi ziwanê dayîke bigîrîyo binê garantîya qanûnî
- Seba awankerdişê aştîya demokratîk û weşe, prosesê muzakereyan bêro şuxulnayene
- Seba awankerdişê aştîyêka domdare û bi rûmet, TBMM ganî gamanê qanûnî û demokratîk ê leza bierzo.
Vengdayîş
Înîsîyatîfî hesabanê xo yê medyay dîjîtale de eşkerayî daye û wina vat: “Sergêra veşnayîşê çekan de, seba ke ma vateyê aştî yê cinîyan hîna gird bikerê, yenî têhet. Seba ke ma îradeyê xo yê aştî bimojnê, vateyê xo pîya pîl bikerê û têkoşînê aştîya hempare bikerê, 11ê temmuze de Berê Dikmenî yê TBMM’yî de yenî yêhet. Ma heme cinîyanê ke aştî de israr kenê, silaynenê ke wa bêrê ma têkoşînî pîya xurt bikerê. Jin, jîyan, azadî. Ma seba aştî israr kenî.”
