Serekê Amerîka Donald Trumpî eşkera kerd ke mabênê Lubnan û Îsraîlî de adirbestêko demkî yê des rojî ewro dest pêkeno.
Serekê Amerîka Donald Trump, badê pêvînayîşanê ke hem Serekê Lubnanî Cozêf Ewn hem zî Serekwezîrê Îsraîlî Benjamîn Netanyahu reyde kerd, înan ra dima peymanêka seba destpêkerdişê adirbestêkê demkî eşkera kerd. Na peymane ewro ra nat heta 10 rojan do dewam bikera.
Trumpî parekerdişê xo de wina vat: “Mi Serekê Lubnanî rêzdar Cozêf Ewn û Serekwezîrê Îsraîlî Benjamîn Netanyahu reyde qiseykerdişê zaf weşî kerdî. Nê her di lîderan qrbul kerd ke mabênê her di welatan de aştî biba. O semed ra, ê do bi fermî adirbestêkê 10 rojî bidê destpêkerdene ke no adirbest bi demê rojhilatê DYA (Amerîka) saete 5:00 PM de dest pêkena.”
Trumpî dîyar kerd ke ey Hetkarê Serekî J.D. Vance, Wezîrê Teberî Rubio û Serekê Serfermandarîya Hempar Dan Keane wezîfedar kerdî ke Îsraîl û Lubnan reyde bixebitê ke aştîyêka domdare awan biba.
