Dêrazor de cenazaya gedeyêke ame dîyayene. Reqa de ciwanêke hetê çekdaran ra û ciwanêke zî hetê leşkeranê tirkan ra ameyê kiştene.
Merkezê Çimdarîya Heqanê Merdiman (SOHR) eşkera kerd ke merkezê şaristanê Dêrazorî de cenazaya gedeyêke 11 serrî banêko rijyayê de ame dîyayene. Goreyê SOHR’î ra gedeyêk 24ê adare de vîndî bîbî, kişte banêko rijyaye yê nêzdîyê banê mehkema merkezê şaristanî de ame dîyayene.
Ame eşkera kerdene ke çekdarê nênaskerdeyî dewa Barûde yê rojhelatê şaristanê Mensûra yê dorûverê rojavayê Reqa de vizêrî ciwanêke kişt û dima ra remayê.
Çimeyan da zanayene ke ciwanêk zî dewa Kerama yê Reqa de wexto ke hewl da şaristanê Girê Sipî sînorê Tirkîya derbas bikero, hetê cendirmeyanê tirkan ra ame gulevarankerdene û netîce de ame kiştene.
