Serekê DTSO’yî Mehmet Kaya dîyar kerd ke ê hetkarî bidê pêvajoya çareserkerdişê problemê kurd û va: “Ma sey temsîlkaran sazîyê sivîlî, hewteyê bêro Enqere de bi partîyê sîyasî ra pêvînayişî bikê.”
Rayberê PKK’î Abdullah Ocalan ke Hepisxaneyê Girewte yê Ewleyîya Berze ya Tîpa F a Îmraliyî binê tecrîdî de yeno girewtiş, 28ê Kanûne de Bi Heyetê Îmraliyî yê DEM Partîye ra pêvînayişêk pê ardbî. Dima pêvînayişê mesajanê Abdullah Ocalanî yê 7 xalan pêyeno heqê çareserîye raya pêroyî ra ame barkerdiş.
Serekê Odeya Pîşesazî û Bazirganayî ya Amedî (DTSO) Mehmet Kaya pêvînayişê heyetî û mesajê ke raya pêroyî rê ameyê dayîş, ercna.
Mehmet Kaya ard ziwan ke Tirkîya serrê 2013-2015î de pêvajoyêka aştîye dîya la pêvaja nê sey yewbînan ê û va ke seba pêvajoyêka newe “destpêkêko raşt” ame kerdiş û wina va: “Ewta de Devlet Bahçelî seba ke lîderêko bi bawerîya neteweperestan o û Abdullah Ocalan zî rayberêkî ke kurd bawerî pê anî, şik û gumanê merdiman orte ra wederneno û nê gamanê baş ê.”
Wa Meclîs bêro xurtkerdiş
Kaya destnîşan kerd ke herême seba pêvajoya ke qewimyena şik est a û dîyar kerd ke semedê na yew zî problemê ekonomî yê herême yê û ya bîn zî polîtîkayê verba kurdê herême yê, yenê kerdiş bi xo yê.
Kaya da zanayiş ke wa pêvajo raşt bêro averberdiş û wina qedîna: “Gengeşe û beyanetan de cayê dezenformasyonî de wa bi ziwanêkî bikarardiş. Wa yewîyeya kurd û tirkan a ke ewro ameya dîyarkerdiş wa raşt bêra kerdiş. Tena vatişê “ma bira yê” û “ma kurdan hes kenê” qiym nêkeno. Tirkîya zî herêmê ke kurd cuyenê de, wa seba heq û azadîyê bingeyîn ê rê gamê şênber bêrê eştiş. Sey Platformê Pawitiş û Hetkarîya Şaristanê Amedî ma do hewteyo bêro Enqere de serdanê heme rayberîyanê partîyê sîyasî bikê.”
