Serrgêra vengdayîşê tarîxî yê 27ê sibate yê Rayber Apoyî çapemenîya dinya de zî rojeve de bîye. Xeberan de bale ameye antene ke Tirkîya tu gamêka şênbere nêeşta.
Vengdayîşê Rayberê Şarê Kurdî Abdullah Ocalanî ra tam yew serre vîyarte la hema hetê dewlete ra tyu gamêka cîdîye nêameye eştene, no çapamenîya dinya de zî ca girewt.
Il Fatto Quotidiano (Îtalya) bi sernuşteyê “Ocalanî ra vengdayîşo dîyin seba temamkerdişê têkoşînê çekdarîye” xebere weşanaye û bale ante ke çiqas ke gamê PKKyî bibê zî hetê hukmatî bêveng mend.
AFP (Fransa) bi sernuşteyê “Rayberê gerîlayanê kurdan hema zî dewrêkî neweyî ra bawer keno” mesajê Ocalanî kerd rojeve û nuşt ke “Hukmatê tirkî vengdayîşê veradayîşê têkoşînê çekdarîye ra heta nika şertê tepîştîya ci sivik nêkerd û azadkerdişê ci nêkerd rojeve.”
El País (Espanya) nuşt ke Ocalan seba qewitkerdişê prosesê haştîye reformê demokratîkî wazeno û tekîd keno ke entegrasyona demokratîke seba kurdan hewce ya.
Associated Pressî (ABD) sernuşteyê xo kerd: “Rayberê PKKyî ke hepisxane de yo, vengdayîşê qanûnanê neweyan kerd ke haştî Tirkîya de aver şêra.”
Upday Newsî (Almanya) nuşt: “Ocalan mizgînîya dewrê sîyasî yê neweyî dano: Tirkîya badê Remezanî gamanê şênberan plan kena” û dîyar kerd ke Tirkîya heta nika prosesê haştîye de tu gamêka şênbere nêeşta.
Mesajê Ocalanî eynî wext de Reuters, EFE, Swissinfo, Washington Post, The Straits Times, France24 ûêb. sazgehanê çapemenîye de zî ameyî weşanayene.
