* Di peymana ku di navbera HSDê û hikumeta demki ya Sûrî de hate îmzekirin yek ji xalên herî girîng bidawîkirina dagirkeriya li bajarên Kurdan yên weke Efrîn, Serêkaniyê û Girê Spî bû. Digel hefteyak di ser de derbas bûye jî dewleta Tirk hê jî van herêman vala nekiriye da ku niştecihên van bajaran vegerin warê xwe. Ev yek weke sabotekirina peymana 30yê Çileyê tê dîtin.
* Piştî eşkerekirina belgeyên doza Jeffrey Epsteîn, tora destdirêjiya li zarokan û bazirganiya mirovan a navneteweyî derket holê. Bi eşkerekirina van belgeyan angaştên salên 90î yên derbarê Mehmet Agar, Tansû Çîller û Joris Demmink careke din hatin rojevê.
* Xebatên kolandina bajarê kevn ê Wanê ku ji hêla Zanîngeha Yuzuncu Yilê û Wezareta Çandê ve tê meşandin, ev 4 sal in didome.
* Komeleya Hiqûqnasên Ji Bo Azadiyê (OHD) a Şaxa Êlihê bi şîara “Parastina Rojava parastina mafê hiqûqa Aştî û Civaka Demokratîk e” dê 2yemîn Kongreya xwe y Asayî li Eywana Konferansê ya Tahîr Elçî ya Baroya Êlihê li dar bixe. (10:30)
* Komeleya Ekolojiyê ya Wanê dê kongreya xwe ya yekemîn ya awarte, li avahiya xwe li dar bixe. (11:00)
* Şaxa OHDa Stenbolê jî bi dirûşma “Bi hiqûqa demokratîk ber bi civaka azad ve” dê kongreya xwe ya asayî li Navenda Çandê ya Cem Karaca ya Bakirkoyê li dar bixe. (12:00)
* Xizmên Windayan û Şaxa Komeleya Mafê Mirovan (ÎHD) a Amedê û Êlihê bi daxwaza winda werin dîtin û kujer bên darizandin dê çalakiyên xwe yên heftane bidomînin. (12:00)
* Dayikên Şemiyê di hefteya 1089emîn de dê li Qada Galatasarayê li aqûbeta windayan bipirsin. (12:00)
* Hevserokê Giştî yê DEM Partiyê Tuncer Bakirhan û Endama Heyeta DEM Partiyê ya Îmraliyê Pervîn Buldan dê li oteleke Dîlokê tev li civîna gel bibin. (16:00)
* DEM Partî, TJA û HDK dê ji bo rakirina dorpêça li ser Kobanê li Kolana Demokrasiyê ya navçeya Sancaktepeyê daxuyanî bide. (19:00)
