Nêçîrvan Barzanî diyar kir ku di rewşa niha de li pêşiya Kurdan şer û derfet hene û got: “Pêvajoya Aştiyê ya li gel Tirkiye û Serok Abdullah Ocalan cidî ye. Serketina pêvajoyê hem ji bo Kurdan û hem jî ji bo Tirkiye derfeteke mezine, ji bo serketina pêvajoyê em alîkarin û destkeftiyên Kurdan li Rojava pir girîng e.”
Serokê Herêma Kurdistanê Nêçîrvan Barzanî li Hewlêrê tevlî Forma MERI bû û têkildarî rewşa Kurdan a li hemû beşên Kurdistanê axivî.Nêçîrvan Barzanî di hevdîtinê de destnîşan kir ku niha destpêka qonaxeke nû ye, weke Kurd hem gef hem jî derfetên li pêşiya wan heye û got: “Ez bawer dikim ku weke Kurd derfet zêdetire. Ez di wm baweriyê de me ku metirsiya herî mezin zêdetir metirsiya aborî ya li ser Iraqê ye. Ji ber ku Iraq neftê hinarde dike û yekane rê jî kirîza Hormuzê ye. Eger ev yek di demeke nêz de neyê çareserkirin, metirsiya herî mezin e.”
Barzanî ev nirxandin kir: “Derfetên Kurdan li gorî her welatekî ku lê dijî hene, dikare li ser bixebite da ku pirsgirêkên xwe çareser bike. Heta ku min bi Erdogan re hevdîtin nekir, min nizanîbû ku pêvajo çiqasî cidî ye û ji ber vê yekê pêvajo ji aliyê Serok Abdullah Ocalan ve cidî ye. Normale ku gav sist bin, ji ber ku 40 salin ji bo gelekê tê gotin tune ye.
Tevî ku ji pêvajoyê ti destkeftek nehatibe bidestxistin jî; heta niha du salin dilê ti dayîkekê neşewitiye. Ev jî nîşan dide ku pêvajo di rêya rast de diçe. Emê alîkarê pêvajoyê bikin û dikîn jî. Tişta pêwîst bi Qendîl û Enqereyê re me kiriye û em ê berdewam bikin. Divê dem ji bo pêvajoyê bê bê dayîn.”
Nêçîrvan Barzanî destnîşan kir ku serketina pêvajoyê ji bo herêma Kürdistanê gelekî bi sûde û wiha got: “Di warê têkiliyên bi Tirkiyeyê re û di heman demê de ji bo hevsoziya bi birayên me yên li Tirkiyeyê jî girînge. Ji bo me û Tirkiyeyê jî dibe qonaxeke girîng û cuda. Divê em rê nedin destên ku naxwazin ev pêvajo bi ser bikeve.”
Barzanî bal kişans ser rewşa li Rojava û wiha pê de çû: “Înîsiyatîfa li Rojavayê Kurdistanê hatî avakirin silav dikim, dibe ku modela Başûrê Kurdistanê li rojava neyê sepandin. Cudahiya erdnîgariyê û gelek tiştên din hene. Meseleya xwendinê li cem hevalan gelekî girînge û pêşketin heye. Sûriye ne tenê welatekî Erebe, Kurd, Ereb û Dûrzî têde hene. Ya li Rojava girîng yekdengiya Kurdan a li Şamê ye. Heval Mazlum Ebdî, divê mirov rast bû. Nabe ku mirov bi çaveke kêm lê binêre. Li Sûriyeyê nasnameya Kurdan tune bû, niha nêzîkî 17 hezar kes di nav hêzên ewlehiyê de ne û xwendina zimanê Kurdî ber bi pêş ve diçe. Ev destkeftiyên girîngin. Min bi General Mazlum re axivî û ji min re got ku gelek şaşiyên me kirine hûn hûn nekin, pêwîste Kurd li gorî rastiya wî welatî bijîn.”
Nêçîrvan Barzanî qala aliyên siyasî yên Kurd ên Rojhilatê Kurdistanê jî kir û got: “Hêzên muxalîf ên Kurd ên li Rojhilatê Kurdistanê pêwîst bû hê bi berpirsyariyeke mezintir tevbigerîbûna. Têkildarî herêma Kurdistanê jî em bi berdewamî li ser kar bûn û siyaseta me ew bû ku nabe herêm bibe beşek ji vê şerî, nabe herêm bibe cihê ku gef li Îranê bê xwarin.”
Herî dawî Nêçîrvan Barzanî ev got: “Ez difikirim ku tişta li Tirkiyeyê heye ji bo çareseriyê li Îranê nîne. Lê her kes dizane ku pirsgirêka Kurd a li Îranê bi înkarê nayê çareserkirin. Em hêvî dikin ku pirsgirêka Kurd li gorî taybetmendiyên Îranê bê çareserkirin.”
