Li Îzmîrê pêla binçavkirina ya li dijî kesên ku beşdarî çalakiya şermezarkirina êrişên li ser Rojava bûbûn, berdewam dike. Bi serdegirtinên malan ên vê sibehê re, 5 kesên din hatin binçavkirin.
Bi banga Hêzên Ked û Demokrasiyê ya Îzmîrê re 23yê vê mehê li dijî êrişên i ser Rojava çalakiyek hatibû lidarxistin. Di roja çalakiyê de li Alsancakê çend kes hatibûn binçavkirin; bi van girtinên dawî re hejmara kesên di bin çavan de gihîşt 11 kesan.
Hincet: Çerxa Şoreşê ye
Polîsan wekî hinceta binçavkirinê xwendina sirûda “Çerxa Şoreşê” nîşan da û ev yek wekî “propagandaya rêxistinê” hesiband. Hat ragihandin ku piştî girtina îfadeyan, tê payîn ku sibê welatiyan bibin edliyeyê.
Navên kesên ku di serdegirtinên vê sibehê de hatine binçavkirin wiha ne: Mehmet Emîn Karadag, Agît Çelîk, Yusuf Tînk, Emre Sarikaya, Mehmet Ozçelîk.
