Wekîla Şirnexî ya DEM Partîye Newroz Uysal Aslan reaksîyon nîşanî tayînkerdişê qeyûmî da û destnîşan kerd ke xoverdayişê şarê kurd Îmraliyî ra hetanî Tişrîn û Sêrtî domyeno û do her tim zî ê xover bidê.
Çalakîyê şarî yê verba tayînkerdişê qeyûmî ser Şaredarîya Sêrtî de roja 4îne de dewam kena. Hemşaredarê Sêrtî Sofya Alagaş, Mehmet Kaysî, wekîlê DEM Partîye, temsîlkarê rêxistinî yê Sêrtî û Amedî yê DEM Partîye û zaf welatijê Sêrtî verê Şaredarîya Sêrtî kom bîyê û çalakîya roniştişî pê ardê.
Armancê qeyûmî dizdeyîye yo
Wekîlê Mêrdînî yê DEM Partîye Kamuran Tanhan va ke ê sey Bavê Teyar vanê: ‘Ma nêtersenê’ û wina va: “Armancê înan tena dizdeyîye yo, qaşo Tirkîya de demokrasî est a. Ma zî seba heqê heme şaran lingan ser de do bibê.”
Ma do têkoşînê xo bidomnê
Wekîla DEM Partîye Newroz Uysal Aslan zî destnîşan kerd ke şarê kurd ti ray verba qeyûm û hêrişan de serê xo nêtewnayo û wina domna: “Birêz Abdullah Ocalan ke 15ê Sibate de bi komployêka mîyaneteweyî ame girewtêne 26 serrê ke Îmraliyî de yo û xover dano. Hewna Tişrîn de xoverdayiş domyeno. Do azadîya Îmraliyî pê bêra û xoverdayiş giranvaye yo. Xoverdayiş Îmraliyî ra hetanî Sêrtî domyeno”
