Wendekarê qijî yê Zarokistanê Perperike û Xalxalokî ke binê banê Mudirîya Kultur û Karê Komelî yê Şaredarîya Peyasî de perwerdeyê zafziwanî vînenê, serra wendişî ya 2024-2025ine bi serkewte qedênayî, karneyê xo girewtî û kewtî betlaneyê hamnanî.
Merasîmê vilakerdişê karneyan de, hetkarê hemşaredaran, berpirsîyarê Mudirîya Kultur û Karê Komelî, mamosteyê krêşan û keyeyê wendekaran amade bî. Wendekarê qijî karneyê xo destê protokolê ke merasîm de amade bî girewtî û dest bi betlaneyê hamnanî kerdî.
Berpirsîyarê Mudirîyê Kultur û Karê Komelî eşkerayîya xo ya dimayê merasîmî de wina vatî: “Wendekarê ma yê qijî yê Zarokistanê Perperike û Xalxalokî perwerdeyê zafziwanî girewtî, mîyanê serrêke de hawîrdorêk weşîye û aştiyane de demêk bi kalîte derbas kerdî. Armancê ma yê perwerdeyî de o bî ke ma tutanê xo semedê ameyoxêk geş başêr amade bikerê. Sazgehê ma nê wareyî de hewldayîşêk muhîm dayê. Ma bawer kenê ke serrêke serkewte semedê tutanê ma derbas bîyo.”
