Hemsereka Pêroyî ya DBP’yî Çîgdem Kiliçgun Uçar ke qezaya Xinûsî ya Erzurumî de beşdarê kombîyayîşê şarî bîye, dîyar kerde ke meclîs seba komelîkerdişê prosesî yew qonaxêka muhîm de ya û va ke ganî hemeyê partîyê sîyasî beşdarê prosesî bibî.
Qezaya Xinisî ya Erzîromî de bi beşdarbîyayîşê Hemsereka DBP’yî Çîgdem Kiliçgun Uçar û Hemverfeka HDK’yî Meral Daniş Beştaşe aşûre ame vilakerdiş. Programê vilakerdişê aşûre de Hemsereka DBP’yî Çîgdem Kiliçgun Uçar qiseyê xo de va ke: “Zilmo ke Yezîdî ewro Sûrîye de hemverê durzî û nusayrîyan domnenê.” û serrgêra Şoreşê Rojawanî fîraz kerd. Uçare dîyar kerd ke vengdayîşê seserre yê Rayberê Şarê Kurdî yo û wina domna: “No vengdayîş rayîrê çareserkerdişê heme problemanê komelê Rojhelatê Mîyanênî akeno.”
Dima programê aşûre yê, Rêxistina Qezayê Xinûsî ya Partîya Herêmanê Demokratîkan (DBP) û Partîya Seyyewbînanî û Demokrasîya Şaran (DEM Partî) dewa Kosanî ya qezaya Xinûsî ya Erzurumî de kombîyayîşê şarî vîraşt. Hemsereka Pêroyî ya DBPyî Çîgdem Kiliçgun Uçar zî beşdarê kombîyayîşî bîye. Cinî û ciwanan eleqeyêko pîl nîşanê kombîyayîşî da.
Hemserekê DBP’yî yê Erzurumî Ramazan Karakaş ke verê cû o kombîyayîş de qisey kerd, bala xo ant qirkerdiş û xoverdayîşî ke aşma Temuze de awan bîyî ser. Karakaş destnîşan kerd ke seranserê Tirkîya de kombîyayîşê pêroyî ameyî vîraştiş û wina va: “No veng seba aşîtî û azadî bi. Abdullah Ocalanî va; ‘Yew cayo ke şar azad nêbo, ez zî azad nêbena.’ Ma zî uca ra dibare kenî: Birêz Ocalanî rayberê şarê ma yo û ganî azad bo.”
Waştişê şarê kurdî
Ewta de zî Dima Çîgdem Kiliçgun Uçar qisey kerd. Çîgdem Kiliçgun Uçarî dîyar kerde ke waştişê Têkoşînê Azadîya Kurdî newe nîyê û babeta aşîtî babetêka newe nîya û wina va: “Çîyo ke ma ser o nîqaş kenî ne tena sîyasetê Rojhelatê Mîyanênî û cîhanî yo. Ma eynî wext de zaf çîyan ser o nîqaş kenî. No sebeb ra, cigêrayîşê cewabanê sîyasîyan est o. Şarê kurdî ameyî înkarkerdene û şarê kurdî vera na yewperestî û înkarî şer kerdo. Raştîya netewe-dewlete seba şarî xelisîyayîş çin o. Bêyî qebulkerdişê aştîye, çareserî aver nêşona.”
Avzelîya meclîsî
Çîgdem Kiliçgun Uçarî dîyar kerde ke meclîs seba komelîkerdişê prosesî yew qonaxêka muhîm de ya û destnîşan kerd ke lazimî bi beşdarbîyayîşê hemeyê partîyanê sîyasîyan est a û wina qedîna: “Persgireka kurdî, persgirekêka newe nîya ke tu desthîlatêk bieşkero peygoş bikero. Prosesê aşîtî yê mîyanê dewlete û şarê kurdî de, bi beşdarîya hemeyê partîyê sîyasî û sazîyê komelî hîna hera bo. Nê vengî seba çareserîyêka demokratîk û adil muhîm ê.”
