Tirkîya sînorê mabenê rojavayê Kurdîstanî û Sûrîya ser o xorînîya 7 metreyan xendekan kenena.
Artêşa Tirkîya mabêne rojavayê Kurdîstan û Sûrîya de dest bi kendişê xendekanö xorînîya 7 metreyî kerd. Goreyê agahîyanê xebera Ajansê Mezopotamya (MA) mabênê qezaya Cizîre ya Şirnex û şaristanokê Endîwerî yê rojavayê Kurdîstanî de makîneyanê karî reyde dest bi kendişê xendekan kerdo. Ame vînayene ke kesê ke makîneyanê karî xebitnenê cil û berganê leşkerî dayê xo ra.
Goreyê agahîyan xebera Wezaretê Pawitişî hema walîyê şaristananê serê sînorî rê agahîname erşawito û înan ra waşto ke seba serê sînorî xendekan virazê îhaleyan amade bikerê û dest bi kendişê xendekan bikerê.
Xendekê ke mabênê Cizîr û Endîwerî de yenê kendişî Cizîrê ra asenê.
