Gixê Demîr, 38 de doman bîya, dewe xo dê, çîmê xo kerde ya bekeşî dîya. Terteleyê 38î ser wina vana: “38 ma rê barê giranî yê, bekeşîye ardî. Domanû, cenû, comerdî, dewcî, khokî mî, kam kê est a ver û viradê dê şî, hard û asmem bî tarî. Nêvay serde ra, dewe Askîsor de nîsanê ro. Askîsor, gîredayî ya Xozat.”
Gixê Demîr dewa Askîsor a giredayî ya Xozatê Dersimî ra ya. Gixê Demîr ajansê ma rê behsa Terteleyê 38î kerd.
Hêr rojê mi şûare vatê ne ra verê no
Gixê Demîr dîyar kerd ke sodîr ûrzenê ra, şûare vana û wina va: “Sûndê be na şûare vana. Vana, çi kê ma dî kes ne dî. Na heşîrî yê kes me vîno. Cenî camordî ardê telê jû caê qir kerdî. Tayê cenî, çenek sûnqû ver dê şî.”
Mezelê kes çî na
Gixê Demîr wina domna: “Sarê ma, be mezelê men dî. Qûna înû çînê nî, tayî Aqay berdî boverê dewe ma dê qir kerdî, tayî nê rûsna Îzmîr, kerd der bera. Îyê kê qir kerdî, sevetê nê înû ra zewt dana, vana, heq salê înû ra ne verdo. Dewe ma dê, Borneqê dê, Qirniqe dê berd qir kerd. Şînê de çe Aqay qir kerdî.”
Tûfangû da Destê ber Tova nîa mê
Gixê Demîr wina qedîna: “Kokîmê ma vate nê, tûfangû ma rê ne qûrete nê hîn ne bîye nê, vûnca destê bere ma dê çîyê ke amê kerde ne. Germê Almnonî dê verê Tîjê de qir kerdî.
Ma kes ra towa ne kerdî va na, ma sekerdo kê vere tîjê almnonî de be mezel mendî mê. Pîyê mî, hatan û merde nê dez û ser nalene. En peyê de vate nê Qixê, vesan û tesanî bîya, neçarî yê zaf bî ya. Kam kamrê seker dî, destê kam dê çî mendî, dîna gewrê bîya, çi kê esta amê ser.”
