Gianfranco Fattorini vat ke muhîm o ke Rayberê Şarê Kurdî Abdullah Ocalan rasterast beşdarê prosesî bibo û nimûneyê Nelson Mandelayî ard vîrî û vat: “Mandela zî nêzdîyê şertanê ci de masaya muzakereyî de ca girewt la rasterast bî.”
Temsîlkarê Daîmî yê BM’yî yê Têgêrayîşê Hemparîya Netewedarî yê Vera Nijadperestî (MRAP) Gianfranco Fattorini ANF’yî reyde qisey kerd û vat ke muhîm o ke Rayberê Şarê Kurdî Abdullah Ocalan rasterast beşdarê prosesî bibo û nimûneyê Nelson Mandelayî ard vîrî û vat: “Mandela zî nêzdîyê şertanê ci de masaya muzakereyî de ca girewt la no rasterast bî.”
Fattorinî vat ke prosesê Tirkîya seba aştîya komelkî firsendo muhîm pêşkeş keno la verê ci ganî polîtîkayê emnîyetî ra bêro vetene û bi sedemanê bingeyînan rî bi rî bêro. Fattorinî vat ke raporê komîsyonê parlamentoyî hîna bi terorî pers kena û vat: “Nê welatî de bi des hezaran sîvîlî ameyî qirkerdene. Sedemê nê şiddetî û kokê ci reyde rî bi rî bêno. Çi heyf ke Tirkîye de îradeyo xurt ê qebulkerdişê berpirsîyarîyanê dewlete nêvînenê.”
Fattorinî dîyar kerd ke MRAP mîyanê Konseya Heqanê Merdiman ê BM’yî de çalakî û konferansan virazeno û amancê înan no yo ke komelê netewedarî, dewletî û mekanzîmanê BM’yî yê pawitişê heqanê merdiman de veng bivejê ke vera rewşa şarê kurdî sereyê xo hewanê.
