• Kurmancî
  • Kirmanckî
  • |
  • Derheqê Ma De
  • |
[email protected]
Ajansa Welat
21 MIJDAR 2026
No Result
View All Result
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • Heme Xeberî
No Result
View All Result
Ajansa Welat
No Result
View All Result

Suzan Vejan Tatli: Prosesî de ganî seba ziwanî zî gamî bêrî eştiş

Heval Onkol / AW

12 GULAN 2026 - 09:30
Kategorî: KIRMANCKÎ - KOMEL, KIRMANCKÎ - KULTUR, KIRMANCKÎ - MANŞET
A A

Amed – Enstîtuyê Kurdkî ra Suzan Vejan Tatli seba 15 Gulane qisey kerd û vat: “Dewlete bi serran o, her tewir zilm û zordarî, teda û neheqî ziwanê ma ser o kena. Nika no proses aver şêro, hetê ziwanê Kurdkî ra, hetê perwerdeyî bi Kurdkî ra, hetê statu ra ma hevî kenê ke gamî bêrê eştiş.”

Ma hewteyê 15ê Gulane de yê. 15ê Gulane pêşengîya Celadet Elî Bedîrxanî de 1932î de kovara Hawar weşanîyaye, dima ra seba roja weşanayîşî yena pîrozkerdiş. Na roje ra pey Kurdîstan de çalakî yenê viraştiş û waştişê ziwanê Kurdkî yê perwerde yenê kerdiş. Derheqê merheleyanê ziwanê Kurdkî de, Komela Cigêrayîşî ya Zanistanê Komelkî ya Kurdkî (Enstîtuyê Kurdkî) ra Suzan Vejan Tatli ajansê ma rê qisey kerd.

Suzan Vejan Tatli bale ant vîndbîyayîşê ziwanî ser o û vat: “Eke çekuyê ziwanî vîndî bibê heme erjê ziwanî zî vîndî benî. Tarîxê ziwan, vîyartêyê ziwan û kulturê zî vîndî beno. Çike ziwan ruhê şarî yo. Merdim bi ziwanê xo tarîxê xo, vîyartêyê xo, kulturê xo pawenê û bi ziwan ameyoxê xo awan kenê. Ziwan wexto ke vîndî bi heme erjê ziwanî zî vîndî benê.”

‘Dewlete zilm û zordarî ziwanê ma ser o kerdo’

Suzan Vejan Tatli qiseykerdişê xo de derheqê nêzdîbîyayîşê dewlete yê ziwanî ser o wina vat: “Dewlete bi seran o, her tewir zilm û zordarî, teda û neheqî ziwanê ma rê kerdê. Çîyo ke ziwanê ma ser o nêameyo ceribnayîş nêmendo. La ganî ma na merhela ra senî vejîyê? Nê hetî ra ma vajê kurmanckî, goreyê zazakî xo aver berd, xo resna merheleyêk zî. La çi heyf ke ma nêeşkenê seba zazakî nê çîyî vajê. Kurdkî ra kirmanckî/zazakî goreyê lehçeyanê bînan tay tepîya mend. Hema newe newe hetê nuştişî ra xo aver beno. Nê semedî ra nuştişê zazakî ser o nika çi xebat biba hem seba Kurdkî hem zî seba zazakî, seba sazgehê ma zaf muhîm o. Ma zaf muhîmî danê nê xebatan.”

‘Ziwan nêro qiseykerdiş, wendiş û nuştiş vîndî beno’

Suzan Vejan Tatli  muhîmîya qiseykerdiş û nuştişê ziwanî ser o zî nê çîyî vatê: “Ziwan nêro qiseykerdiş, wendiş û nuştiş, o ziwan vîndî beno. Ziwan tena pê qiseykerdiş nêpawîyeno. Yan zî tena bi nuştiş û wendiş zî nêyeno pawitene. Nê hîrê hemeyî yewbînan ra giradaye yê. Nika seba ziwanê zazakî ma fekê kamî akenê, vanê zazakî ver bi vîndîbîyayîşî yo. Raşt o ma pêro nê çîyî zanê. Ganî ma çareserî bivînî. Ziwan tewr verî ganî bêro dezgehkerdene. Ziwan ganî her qadê cuye de, heme sazgeh û dezgehanê ma de bi hawayêko bingeyin bêro xebitnayîş. Heme xebatanê ma de ziwanê ma ganî bibo ziwanê fermî. Ma her tim vanê ziwanê ma bibo ziwanê fermî, wa ziwanê ma rê statuyek bêro dayene, wa ziwanê ma de perwerde bibo. La eke ziwan keye de nêro qiseykerdiş nêyeno pawitiş. Ziwan keye de yeno musayîş, dibistanan de yeno pawitiş. Ganî ziwanê Kurdkî de perwerde bêro dayîş, statuyêk bêro dayîş.”

Suzan Vejan Tatli vat, seba perwerdeyê ziwanê Kurdkî sazgehanê ziwanî de bingeh yeno viraştiş û wina domna: “Wexto ke destbi perwerdeyê ziwanê Kurdkî kerd o wext merdim kêmaneyanê xo vîneno. La nika seba kurmanckî zî seba zazakî zî hem ferhengê ma est ê hem zî kitabê ma est ê, materyalê ma est ê. La qîm keno? Helbet nê. Wexto ke dest bi perwerdeyî ame kerdene o wext helbet xebatî bi plan û sîstematîk dewam bikerê.”

‘Prosesî de ganî seba ziwanî zî gamî bêrî eştiş’

Suzan Vejan Tatli derheqê prosesê aştî de zî qisey kerd û vat: “Mabenê kurdan û tirkan de bi vengdayişê birêz Ocalanî prosesê aştî dest pêkerd. La çi heyf ke hetê dewlete ra hema zî gamê pratîkî nêameyê eştiş. Têgêrayîşê Azadîya Kurdan çi kewt milê înan ser o kerdo. Nika no proses aver şêro, helbet tewr vernî hetê ziwan Kurdkî ra, hetê perwerdeyî Kurdkî ra, hetê statu ra ma hêvî kenê ke gamî bêrî eştiş. Ganî ma bikerê ke hewcedarîya ma ziwanê tirkî nêmana. Ma hema xebatanê xo bi ziwanê xo bikerê.”

Vengdayişê seba şaredarî û parlamenteran

Suzan Vejan Tatli veng da şaredarî û parlamenteran û vat: “Ziwan bi şaredarî û parlamenteran  yeno pawitiş. Çike şar bi temsîlkaranê ma ziwanê xo hetê polîtîka ra zî vîneno. Şaredarîyî de ganî bi taybetî seba zazakî kesî bêrê îstîhdamkerdiş. Rey rey ma ewnîyenê şaredarî qet muhîmî nêdanê zazakî. Dima ganî şar zî keyeyan de nê ziwanî bipawo. Ziwan senî yeno pawitiş? Ganî ma vajê keyeyan de dadî û babî ziwanê xo tercîh bikerê. Ma nika vînenê dadî yan zî babîyî zî vanê, hewce nêkeno ziwanê Kurdkî bumusî. Wa îngîlîzkî bimusî.”

Tags: 15ê GulanêEnstîtuyê KurdkîkirmanckîKurdkîSuzan Vejan TatliZiwan
ShareTweetSendShareShare

Nûçeyên Din

‘Berxwedana 50 salên dawiyê ji bo Kurdî hişmendiyek afirand’

‘Xoverdayîşê 50 serranê peyênan seba kurdkî hişmendîyêk afirnayo’

17 MIJDAR 2026
Hûmara teşrîna peyêne ya Bajarî vejîyaye: Xeyalê Amedsporî bi xêzan gandar beno

Hûmara teşrîna peyêne ya Bajarî vejîyaye: Xeyalê Amedsporî bi xêzan gandar beno

5 MIJDAR 2026
Îdareyê mekteban verê weçînayîşê ziwanê kurdkî de astengan vejenê

Îdareyê mekteban verê weçînayîşê ziwanê kurdkî de astengan vejenê

5 MIJDAR 2026
‘Ma wayîrê ziwanê xo vejîyê’

Baroyê Amedî: Wezîfeyê huqûqî bêvengkerdişê ziwanan nîyo

4 MIJDAR 2026
Emrê xo ra nêewnîyayî: Dayîkê emrgirdî kurdkî musenê

Emrê xo ra nêewnîyayî: Dayîkê emrgirdî kurdkî musenê

18 COTMEH 2026
“Ganî her ca de wayîrîya kitabanê kurdkî bêro kerdene”

“Ganî her ca de wayîrîya kitabanê kurdkî bêro kerdene”

1 COTMEH 2026

↗️ XEBERÊ KE ZAF AMEYÊ WENDIŞ

TOHAV’î avûkatê Kurdî yê ke ameyê qetilkerdiş vîr ardî

TOHAV’î avûkatê Kurdî yê ke ameyê qetilkerdiş vîr ardî

21 MIJDAR 2026
Aqûbeta cinîyanê ke ameyê kiştiş û vîndîkerdiş ame persayîş

Aqûbeta cinîyanê ke ameyê kiştiş û vîndîkerdiş ame persayîş

21 MIJDAR 2026
‘Ma do bi awankerdişê komîneyan nê prosesî de biresê serkewtiş’

‘Ma do bi awankerdişê komîneyan nê prosesî de biresê serkewtiş’

21 MIJDAR 2026
Hesekê de ciwanêk bi gulleyanê eskeranê Tirkan ame kiştiş

Çalakîya KHK’yî: ‘Polîtîkaya îxracî hêrişêko vera keda cinîyan a’

21 MIJDAR 2026
Girewteya neweşe Newroz Bozkurte vaznaya ra neweşxane!

Muracatê peydeştişê înfazî yê seba Newroz Bozkurte bê cewab mend

21 MIJDAR 2026

ARŞÎV

  • MIJDAR 2026 (294)
  • COTMEH 2026 (357)
  • ÎLON 2026 (274)
  • TEBAX 2026 (308)
  • TÎRMEH 2026 (406)
  • HEZÎRAN 2026 (336)
  • GULAN 2026 (327)
  • NÎSAN 2026 (349)
  • ADAR 2026 (422)
  • SIBAT 2026 (387)
  • ÇILE 2026 (540)
  • KANÛN 2025 (254)
  • MIJDAR 2025 (226)
  • COTMEH 2025 (209)
  • ÎLON 2025 (232)
  • TEBAX 2025 (210)
  • TÎRMEH 2025 (299)
  • HEZÎRAN 2025 (257)
  • GULAN 2025 (334)
  • NÎSAN 2025 (265)
  • ADAR 2025 (317)
  • SIBAT 2025 (317)
  • ÇILE 2025 (298)
  • KANÛN 2024 (293)

Ajansa Welat, bi xeberanê xusûsîyan, dosya, cigêrayîş, dîmen û vengan komelî agahdar û roşnî kena.

Bi şîarê agahîyanê raşt û objektîfan weşanî esas gêna, serê şopa heqîqetî de agahîyan vila kena.

Ajansa Welat bi xeber û tedeyanê xo bena veng û rengê welatî.

Xwediyê Îmtîyazê: Fahrettin Kılıç

Berpirsiyarê Karên Nivîsan: Mahmut Altıntaş

Navnîşan: Fırat Mahallesi, 553. Sokak, Tanlar Şehri Teras Evleri, B Blok,
Kat: 5 - No: 40, Kayapınar, Diyarbakır

Telefon: +90 (532) 519 37 73

E-mail: [email protected]
Malper: www.ajansawelat1.com
Twitter Youtube Instagram Whatsapp
  • Serrûpel
  • Têkilî
  • Derbarê Me De

© 2024 Ajansa Welat ● Yekemîn Ajansa xwerû Kurdî ● Hemû maf parastî ne

No Result
View All Result
  • HEME XEBERÎ
  • ROJANE
  • CINÎ
  • EKONOMÎ
  • POLÎTÎKA
  • EKOLOJÎ
  • KOMEL
  • WEŞÎYE
  • DINYA
  • FORUM
  • HUQÛQ
  • KULTUR
  • SPOR
  • KURMANCÎ

© 2024 Ajansa Welat ● Yekemîn Ajansa xwerû Kurdî ● Hemû maf parastî ne