Verfekê Polîsanê Kar û Baranî Komelkî yê Îraqî Eqîd Mueyed Hadîyî dîyar kerd ke emserr hezar û 55 hedîseyê tedaya hemverê cinîyan ameyê vînayene û vat: “Şuxulnayîşê madeyanê hişbir û alkolî sebebanê tewr eşkera û sereke yê teda ra yew o.”
Roje bi roje teda û hêrişê vera cinîyan Îraq de vêşî benê. Verfekê Polîsanê Kar û Baranî Komelkî yê Îraqî Eqîd Mueyed Hadîyî derheqê bîlançoyê şîdetî yê ke serra 2025î de vera cinîyan ameyê kerdene û sebebanê vêşbîyayîşî şîdetî de medya Îraqî rê qisey kerd.
Eqîd Mueyed Hadîyî dîyar kerd ke emserre şaristananê Îraqî de hezar û 55 hedîseyê şîdetî yê vera cinîyan ameyê qeydkerdene.
Sewbîna dîyar kerd ke şuxulnayîşê madeyanê tiryak û alkolî sebebanê tewr eşkera û sereke yê vêşbîyayîşê şîdetê zereyê keyeyî û bi taybetî vera cinîyan o.
Erjeno merdim vajo ke goreyê bîlançoyê fermî hîrê serranê vîyarteyan de Îraq de 43 hezar bazirgan û kesê ke madeyanê hişbir şuxulnenê ameyê destbendkerdene. No mojneno ke tehlukeyê madeyî herême de vêşî bîyo.
