Şaredarîya Peyasî eynî roje de di çalakîyê cîya bi cîya seba domanan organîze kerd. Dewa Gozelî de şayîyêka sporî ya domanan û taxa Barişî de zî nîşandayîşê fîlmêkê karton ê bi dublajê kurdkî ame organîzkerdêne.
Şaredarîya Peyasî bi hembarîya Gerînendetîya Xizmetê Ciwanan û Sporî û Klûbê Oz Kayapinar Sporî, dewa Gozelî de şayîyêka rengîn seba domanan amede kerd. Na şayî, şeşin şayîya sporî ya domanan bî. Domanî demê xo bi sporî bi kêfweş derbas kerd. Çalakî de domanan bi dêsê xo antişî, futbol, basketbol, trampolîn û xeylî kayanê bînan yê rengînan kêf û kayî kerdê. Domanî hem spor kerd hem zî demêko weş derbas kerd.
Binê estereyan de temaşeya sînema
Bi hembarîya Gerînendetîya Kultur û Karê Komelî ya Şaredarîya Peyasî û Şaredarîya Şaristanê Girdî ya Amedî, Kompleksê Sporî yê 500 Evlerî de fîlmêko karton o bi dublajê kurdî “Çewlika Ajalan” hewayê akerdeyî de ame nîşandayêne. Şaredarîya Peyasî ra ame vatêne ke çalakîyê bi rengî do pêroyîya hemnanî bidomê.
