Ewro roje şawo qome Dersim venge xo kerd berzî, perûne pîya:” Ma Însanî kamîl xo xîra nekeme.”
Platformê Demokrasî û Emeg ê Dersim, bi siloganê na “Însanî Kamîl Xo Vîra Me Kere” amêy peser. Sare Dersim, Kuçeyê Sanatî de bi veng hatan Seyît Riza şî.
Rayê ma rayê înû yo
Dima ra, Hemsereko Ozcan Ateş îye ke şîye heqîye xo sevetane înû ra: “Ma Seyît Riza û Embazene xo xo vîra nekeme, na heşîrîye ma serde şero, vûnca mero. Rayê ma, rayê înû yo. 88 ser kê na dez ma dera. Qomê Dersim nare tepa haştîyê wazena.”
Xizir û Dûzgin îyê ke şîye hexîye xo le dînû dero
Îdarekarê DAD’î Fetîyê Yildirim qisey kerd û Seyît Riza û Embazene xo ser çila vesna, gûlbeng da. Qesêy kerdane xo de: “Cayû înû cenet bo, Xizir û Dûzgûn le dînû dero. Çila ma haştîyê ser bi veso. Nare tepa kes me vervo.”
Sar azedîya ra woşîye xo rameno
Hemsereka Partîya Mintiqayanê Demokratîkan Çîgdem Kiliçgûn Uçar, qomê Dêrsîm ra veng da û va ke: “Tertele Dersim de, xeylê tene amey kîştene. Dere laçî de, hete Pilemûrîye de,, Halvorîye de zaf tene merdî. Sare Dersîm, serva haştîyê perodayîş da. Ewro roje şawa, çan ser ke Dersim heşîrîye vîneno. Nare tepa, perûne poşt bîdere jûmînî, venge xo bîyare sere zonî, haştîye û biratîye bi vazîme. Sare dersîm, mezge xo ra, dem û devrane xo ra, azedîyê xo ra dûr ne vînda.”
