Stenbol de seba şervana YPJ’yî Kînda Brûsk Mûş tezîye ameye ronayene. Tezîye de têkoşînê Kînda Brûsk Mûş ser o qiseykerdişî ameyî kerdene û ame dîyarkerdene ke ê do têkoşîn û xeyalanê Kînda bîyarê ca û biresî serkewtişî.
Şervana YPJ’yî Kînda Brûsk Mûş (Mihriban Şorli) 17ê çele de Dêra Zor de hêrişanê HTŞ û çeteyanê ci de cuya xo ra bîye. Seba Kînda Brûsk Stenbol de tezîye ameye ronaene. Tezîye, bi pêşengîya Komela Hetkarî û Piştgirî ya Keyeyanê ke Merdimê Xo Vîndî Kerdî reyde ya Anatolyayî (ANYAKAY-DER) awanîya Rêxistina DEM Partî ya Qezaya Esenlerî de ameye ronayene. Keyeyê Kînda Brûsk, endam û rayberê DEM Partî û DBP’yî, Dayîkên Aştî, ANYAKAY-DER û zaf welatîyî tewrê na tezîye bîyî.
Cayê yadkerdişî de fotografê Kînda Brûsk Mûş û Rayberê Şarê Kurdî Abdullah Ocalanî û birayê Kînda Brûsk, Mehmet Şorli (Brûsk Serhed Mûş) ke 27ê adara 2014î de cuya xo ra bibi ameyî ronayene û mumî ameyî veşnayene.
Program bi rêzgîrewtişê seba vîrardişê canfedayîyanê têkoşînê azadîye dest pêkerd. Dimayê rêzgîrewtişî sloganê “Bijî Serok Apo” û “Şehîd namirin” ameyî vatene.
Dima ra derheqê têkoşînê canfedayîyanê têkoşînê azadîye de qiseykerdişî ameyî kerdene û ame dîyarkerdene ke ê do têkoşîn û xeyalanê Kînda û pêro canfedayan biresnê serkewtişî.
Qiseykerdişan ra pey sînevîzyonêk derheqê têkoşînê şervanan de ame mojnayene. Zîyaretkerdişê şarî yê seba tezîye dewam keno.
