Herêma Seqiz ya Îranî de, Latîfeh Mohammadzadeh, cinîya 49 serrî, hetê mêrdêyê xo yo verên, Omid Feyzî ra ame qetilkerdene.
Herêma Seqiz ya şaristanê Kurdîstanî yê Îranî de, Latîfeh Mohammadzadeh, cinîya 49 serrî, hetê mêrdê xo yo verên Omid Feyzî ra ame kiştiş. Goreyê agahîyanê ke Torra Heqanê Merdiman ê Kurdîstanî (KHRN) eşkera kerd, Feyzî 20ê tebaxe de, wexta ke dewa Yurqolî, ke ûca de sey şoforê taksîye xebetêno, agêreno Seqiz, Latîfeh Mohammadzadehe qetil keno.
Ame dîyar kerdene ke Latîfeh Mohammadzadeh nêzdî serrêke verê cû Feyzî ra rabirîyaya, la Feyzî xeylî rayan aye tehdîd kerdbi ke do aye bikişo. Yeno vatiş ke Latîfeh Mohammadzadeh verê cû zî tehdît û tedaya Feyzî ver şîkayet kerdibi, çend roje verê cû zî mehkema bi cezaya hepisxane û pere Feyzî cezakerdibî.
Ame eşkera kerdene ke Feyzî remayo û hema zî nêameyo girewtene.
