Endamê Komîteyê Newroza Edeneyî seba tewrbîyayîşê pîrozbayîya Newroza 23ê adare ke do qezaya Seyhanî de bêra pîrozkerdene, vengda şaran û vat: “Ma pîya adirê Newroze wekerê.”
Roşanê Newroze yê Edeneyî do 23ê adare saete 11:00î de Şanoyê Akerde yê Mîmar Sînanî yê qezaya Seyhanî de bêrê pîrozkerdene. Hemsereka Pêroyî ya DEM Partî Tulay Hatîmogullari û Hemserekê Pêroyî yê DBP’yî Keskîn Bayîndir sey qiseykerdox do tewrê pîrozbayî bibê û deeyîrbaz Nûray Balik, Diljen Ronî û deyîrbazê herême do sehne bigîrê.
Vengdayîş
Endamê Komîteyê Amadekar ê Newroza Edeneyî Ahmet Akdogan dîyar kerd ke amadekarîyê Newroze qedîyayê û vengda ke şar tewrê pîrozbayî bibo. Akdogan bale ant muhîmîya Newroza emserrî û dîyar kerd ke ê peyê “Vengdayîşo Seserrî” yê Rayberê Şarê Kurdî Abdullah Ocalanî de yê û vat: “Ma hêvî kenê ke na Newroze aştî û wa û birayîye bîyara. Ma heme şarê xo silaynenê pîrozbayîya ke ma do 23ê adare de Şanoyê Akerde yê Mîmar Sînanî de bikerê.”
Endamê Komîteyê Amadekar ê Newroze Sehrastan Yîgît zî vengda û vat: “Bêrê ma pîya adirê Newroze wekerê. Newroze pîrox bo.”
