Siba Amed de bi beşdarîya 750 sazgeh, dezgeh, partî, platform û xeylê komelan semedê statu û perwerdeyê bi ziwanê kurdkî deklarasyonêk bêro eşkerakerdiş.
Înîsîyatîfê Komele yê Semedê Ziwanê Kurdkî do semedê waştişê şarê kurdî yê derheqê ziwanê kurdkî de bi îmza û beşdarîya zêdeyêr 750 sazî, dezgeh, platform, partî û dorê kurdî û demokratîkan ê komelî yê Vakurê Kurdistan û Tirkîya de 18ê teşrîna peyêne saete 13:00ine de Parka Ekîn Cerene ya qezaya Peyasî ya Amedî de bi tewrê girseyî deklarasyonêk rayapêroyî rê pare bikerê.
Deklarasyono ke do bi sloganê “Statuya Kurdkî – Perwerdeyê bi Kurdkî” bêro dayîş do bi lehçeyanê kurmancî û zazakî yê kurdkî û bi tirkî bêro wendiş.
Înîsîyatîfê Komela Semedê Ziwanê Kurdkî veng da her kesî ke beşdarê çalakîya deklarasyonî û waşt ke her kes paştî bido deklarasyonî.
