Fuarê Kitaban ê 10. yê Amedî roja 6. de dewam keno. Ame dîyarkerdiş ke fuarî de seba kitabanê hîkayeyanê gedeyan û perwerdeyî yê kurdkî û ferhengê kurdkî eleqeyêka zêde est a.
Fuarê Kitaban ê 10. yê Amedî ke hetê Yewîya Weşangeranê Tirkîya, Odeya Bazirganî yê Amedî û TUYAP’î ra Merkezê Fuar û Kongreyanê Mîyanneteweyî yê Mezopotamyayî de yena viraştiş, roja 6. de dewam keno. Fuarî de eleqeya wendekaranê mekteban dewam kena. Çar hetanê Amed ra wendekarî zîyaretê fuarî kenê.
Weşanxaneyê ke 6 rojî yo ke fuarî de ca gênê, dîyar kerd ke semedê ke kitab vayê, kitabheeskerdoxî nêeşkenê kitaban bigêrê. Weşanxaneyê kurdkî zî dîyar kerd ke eleqeyêka girde seba kitabanê hîkayeyanê gedeyan, ferhengê kurdkî, kitabê perwerdeyê bi ziwanê kurdkî “Hînkerê” est a. Sewbîna kitabê cigêrayîşî, kitabê têkilîdarê îdeolojîya Têgêrayîşê Azadîya Kurdan zî balê wendoxan ancenê û yenê girewtiş. Kitabheskerdoxî bala xo danê kitabanê ke qalê prosesê Aştî û Komelê Demokratîkî.
Fuaro ke bi zîyaretanê girseyî dewam keno, do 4ê teşrîna verêne de biqedîyo.
