Şaîr û Hozanê Welatî: Hozan Serdar

Merkezê Xeberan / AW

Kilamanê xo bi kirmanckî vano. Ey yew wexto zaf rew de dest bi hunermendîya kirmanckî kerda. No ware de cayê ey zaf biqiymet o. Wexto ke Tirkîye de kurdkî qedexe bî, kilamê kirmanckî û qasetê ci kî qedexe bîy. Şarî bi nimitkî albume ey goşdarî kerdêne.

Hozan Serdar yew hunermendo kirmanc o. Serra 1955î de dewa Dêrsimî Gaxmud de ameyo dinya. Welat de manano û uca de beno pîl. Mekteba verêne û lîse welat de waneno. Dime ra seba ke şoro zanîngeh welat ra vejîyeno. Wexto ey wendêne kesê ke wananê zaf kêm bîy. Bi no qayde o şono zanîngeh û waneno.

goreyê xebera ANF’î Zanîngeha Erzuromî de qismê ziwanê almankî waneno. Labelê semedê problemanê sîyasîyan ra zanîngeh temam nêkeno û caverdano. Serra 1978î de Tirkîya ra vejîno û şona bi Almanya.

Hozan Serdar albumê xo yo verênî serra 1970î de vejeno. Nameyê albumê ey ê verênî “Derdê Ma Duşuncê Ma” yo. Dime ra albumanê bînan zî vejeno û nêzdîyê 15 albumê ey est ê.

Wayîrê yew vengêde rindek û zelalî yo. Kilamanê xo bi kirmanckî/zazakî vano. Ey yew wexto zaf rew de dest bi hunermendîya kirmanckî kerda. No ware de cayê ey zaf biqiymet o. Wexto ke Tirkîye de kurdkî qedexe bî, kilamê kirmanckî û qasetê ci kî qedexe bîy. No semed ra albumê ey kî qedexe bîy û şar bi nimitkî albume ey girewtêne û goşdarî kerdêne.

Albumê ey

*Derdê Ma Duşuncê/fikrê Ma (1970)

*Çayê Berbena (198x)

*Îsyan (1985)

*Welat (1987)

*Dêrsim (1980)

*Da da Alî (1990)

*Koyê Muzirî yo (1996)

*Xîlveşo (2001)

*Cenet Dêrsim o (2003)

*Wurze (2007)

*Vîlike (2009)