Roniştişê dewaya 69 kesê ke seba ke tewrê yadkerdişê Qirkerdişê 10ê Teşrîna Verêne bîyî yenê muhakemekerdiş, semedê amadekerdişê mutalaayî ameye taloqkerdiş.
Bi sebebo ke tewrê yadkerdişê yewin serrgêra Qirkerdişê 10ê Teşrîna Verêne ya Garê Anqarayî bîyî, derheqê 69 kesan de dewa ameybî akerdiş. Roniştişê 20. yê dewa Mehkemaya Cezaya Pêroyî ya Anqarayî ya 13. de ameye vînayene. Avûkatê Komeleya Hiqûqnasê Semedê Azadîye (OHD) û Komeleya Hiqûqnasê Hemdem (ÇHD) tewrê roniştişî bîyî.
Roniştiş, bi tespîtkerdişê nasnameyan dest pêkerd. Badê zî dozgerî vat ke versûcan ra Caner Karataş dinyaya xo bedelnaya û qerarê betalbîyayîşê dewaya derheqê Caner Karataşî de neql kerd.
Avûkatan semedê mutalaayî dem waşt. Dadgehe zî semedê eşkerakerdişê mutalaayî roniştişê dewa taloqê 24ê sibate kerd.
