Rojnameger Nîzamettîn Yilmaz ke tedawîya kanserî dîbî, cuya xo vîndî kerd.
Xebatkarê rojnameyê Azadîya Welatî ke bi Qerarnameyê Hukmî Qanûnî de (KHK) amebi girewtene, Nîzamettîn Yilmaz nêweşxaneyêkê Yewnanîstanî de cuya xo vîndî kerd. Yeno zanayene ke cenazeya Yilmazî 17ê temmuze de bîyarê qezaya Dêrikî ya Mardînî û uca de defin bikerê.
Derheqê Nîzamettîn Yilmazî de
Yilmaz 28ê adara 2018î de encamê sereeştişê keyeyî de Dêrika Mardînî de ame destbendkerdene û girewtene. 26ê hezîrana 2019î de zî veradîya. Yilmaz ke rixmê nêweşîya xo ya KOAH’î amebi girewtene, 87 rojî dekewt grevê vêşanî yê bi waştişê hewanayîşê tecrîdo girankerdene yo Rayberê Şarê Kurdî Abdullah Ocalanî ser o bi. Hepisxane de nêweşîya kanserî ya cîgerî girewt. Mehkemaya Cezayanê Giranan a Mardînî ya 3. bi îdiaya “endamtîya rêxistinî” 6 serrî û 3 aşmî cezaya hepsî daye Yilmazî. Nê ser o ra zî Yilmaz bêçareyî ra şi Yewnanîstan.
