Roniştişê 2. yê dewaya rojnameger Cîhan Berkî ke seba xebatanê xo yê rojnamegerîye amebî girewtiş, Dêrsim de ame kerdene. Mehkema bi qedexeyê vejîyayîşê teberê welatî qerarê veradayîşê Cîhan Berkî da.
Dewaya Rojnameger Cîhan Berk o ke Dêrsim de 19ê kanûna 2025î de bi sereştîşê polîsan ê serê banê xo amebî destbendkerdene û dima ra zî amebî girewtene, ey ewro ameye kerdene. Roniştişê 2. yê dawaya Cîhan Berkî, Mehkemeya Cezayanê Giranan ya 1. ya Tuncelî de ame kerdene.
Roniştiş seba zêdebîyayîşê karanê mahkemeyî ra nêzdîyê di saetan derey dest pêkerd. Cîhan Berk, zîndan o ke tede girewtebi, uca ra ame ardiş û hewşê mehkema de amade bi. Avûkatê Cîhan Berkî, Kenan Çetîn û Doga Încesu zî roniştişî de amade bîyê. Komela Heqanê Merdiman (ÎHD) ya Şubeyê Dêrsimî, merdimê Cîhan Berkî û embazanê ey ê rojnamegeran zî roniştişî taqîb kerd.
Meqamê îdiayî, mutalaya xo ya verêne reyna dubare kerd û waşt ke Cîhan Berk bêro cezakerdene. Dimayê pawitişî heyetê mehkema qerarê xo eşkera kerd; heyetî seba “endamtîya rêxistine” 6 serrî û 3 aşmî cezaya zîndanî daye Berkî û bi qedexeyê vejîyayîşê teberê welatî qerarê veradayîşê Cîhan Berkî da.
