Îran de roja 40. de bîlançoya qirkerdeyan, girewte, destbendkerde û bi zorê îşkenceyî îfade girewtene ame dayene.
Ajansê Sazîya Heqê Merdiman yê Îranî (HRANA) roja 40. de raporê qirkerdena xoverdayîşî û binpaykerdena heqê merdiman pare kerd. Raporî de ame dîyarkerdene ke hêrişê rejîme Îranî yê vera xoverdayoxan de tewr tay 6 hezar û 495 kes ame kiştene.
Raporê sazîya heqê mordeman yê Îranî de yeno dîyarkerdene ke humara bîyayeyan ê perôyî wina ya:
31 Eyalet û 210 şaristanan 675 nokteyande xoverdayişî ameyî kerdene. Hetanû nika humara kişteyan a pêroyî 6 hezar û 941 a. Rapor eşkera keno ke 6 hezar 495 xoverdayox, 171 gede û 61 sivîlê ke nê xoverdayîşan de ca girewto û hetê hêzanê rejîmê Îranî ra ameyê kiştene.
Raporî de nîşan dîno ke 214 esker û hêzêke girêdayeyê rejîmê Îranî yê zî ameyê kiştene. Reyna 11 hezar û 630 bîyayeyê ke hîna nêameyê zelalkerdene seba ke bêrê zelalkerdene ser ro cigêrayîşî yênê kerdene. Bîyayeyan de 11 hezar û 021 kesî bi giran birîndar bîyê. Bi pêroyî 50 hezar û 921 kes ameyo girewtene û nînan da 109 kesî wendekarê û 207 kesî zî gedeyê.
Humara kesê ke nêamê girewtene yenê mehkemekerdene zî 11 hezar û 47 kesê.
