PFDK’yî reyna seba nuşteyê Kurdkî yê ke formayanê Amedsporî ser o yê, cezaya pereyan daye Amedsporî.
Amedspor Federasyonê Futbolî yê Tirkîya de Lîgo 1. de seba serkewtişî têkoşînê xo domneno. Komîteyê Dîsîplînî yê Futbolî yê Profesyonel (PFDK) seba kaykerê Amedsporî maçê Sariyersporî de formayê ke sloganê “Koma Me Bona We” yê Tezgel Kom Markettî ke bîyo sponsor, înan ser o bîyê û xoradaybî, cezaya pereyan daye Amedsporî. Ame zanayene ke taximî rê 110 hezar TL ceza ameya dayene.
PFDK’yî ney ra ver zî seba ke eyn nuşteyo Kurdkî formayanê Amedsporî ser o bi, maçê Sakaryasporî reyde, 110 hezar TL ceza daybî taximî.
PFDK’yî reyna bi bahaneyê “Vera qerarê ekîpmananê sportîfan” ceza daye Amedsporî.
