PFDKyî seba maçê Galatasarayî 280 hezar lîre cezaya pereyî daye Amedsporî.
Amedsporo ke Super Lîg de kay keno, maça 7ê teşrîna peyêne yê vera Galatasarayî ra ceza werd. Heyetê Dîsîplînî yê Futbolî yo Profesyonel (PFDK), maçê de ke tede tu rageşîye nêvejîyaybî, bi îdîaya hedîseyanê seha ke hetê terefgiran ra qewimîyayê, 280 hezar TL ceza daye Amedsporî.
PFDKyî eyn maçî de seba slogananê xiraban qerar da ke kartê e-bîletî yê temaşekerdoxanê blokanê 106, 107, 206, 207 ê trîbunê vakur û yê blokanê 109, 120, 219, 220 ê trîbunê başurî bêrê astengkerdene û nê kesî nêşê bikewê maçê ewil o ke taxim do sehaya xo de kay bikero.











