Çekuyê bi Kurdkî yê parlamenteranê DEM Partî ke pêvînayîşanê butçe de ameyê kerdene, reya ewile zabitnameyanê Meclîsî de ca girewt.
Pêvînayîşanê derheqê Pêşnîyazê qanûnî yê Butçeya Rayberîya Merkezî yê Serra 2026î de komîsyonê Plan û Butçeyî yê Meclîsî dewam kenê. Nê komîsyonî de butçeya wezaretê karanê zereyî û dayîreyê girêdayeyê ey yenê nîqaşkerdene.
Parlamenterê DEM Partî Mehmet Ruştu Tîryakî pêvînayîşan de heqê qiseykerdişî girewt, bale ant tayînkerdişê qeyûman ê şaristananê Kurdîstanî ser o û vera nê tayînkerdişan reaksîyon mojna. Tîryakîyî dîyar kerd ke hesabê medya dîjîtale ya Şaredarîya Xelfetî de nameyê aye yo bi kurmancî “Şaredarîya Xalfetî” ameyo hewanayene.Vatişê “Şaredarîya Xelfetî” yo ke Tîryakîyî îfade kerdbi, zabitnameyanê komîsyonî de bi kurmancî ca girewt. Meclîsî de ke heta nika vatişê bi Kurdkî sey “(…)” ameyêne qeydkerdene û vatêne, “Qiseykerdox vatişê ke tirkî nîyê şuxulnayê.” La na reye vatişê bi Kurdkî ca girewtê. Zabitnameyanê meclîsî de reya ewile vatişê bi Kurdkî ca girewt.
Sewbîna sloganê “Jin Jîyan Azadî” ke Parlamenetera DEM Partî ya Rihayî Dîlan Kunt Ayan şuxulna, zabitnameyan de ca nêgirewt. Labelê vatişê sey “Jin Kart” û “Xalê Behçet” tede ca girewt.
