Ame zanayene ke wezaretê Îtlaetê Îranî endamanê keyeyê Werîşe Muradî ya girewteya sîyasî bi girewtişî tehdît kerdo û mêrdeyê waya Werîşe Muradî zî ameyo destbendkerdene.
Zilmê rejîmê Îranî keyeyê girewteyanê sîyasîyan dewam keno. Tora Heqanê Merdiman a Kurdîstanî xeberêka xo de eşkera kerd ke roja 8ê hezîrane çend reyan endamê keyeyê girewteya sîyasî ya kurde Werîşe Muradî Sinê û Tehran de hetê berpirsîyaranê Îtlaetî ra venga înan ameyo dayene û ê bi girewtişî ameyê tehdîtkerdene.
Xebere de ame dîyarkerdene ke mêrdeyê waya Werîşe Muradî, Kerîm Esxerî ke şarê şaristanokê Şiwêş a Sinê yo, hetê hêzanê Îtlaetî ra ameyo destbendkerdene û ey berdo cayo ke dîyar nîyo.
Ame vatene ke Kerîm Esxerî qerarê dadgerî pê îşkence ameyo destbendkerdene û cinîya ey Mêhrane Muradî ameya tehdîtkerdene.
17ê hezîrana 2024î de Werîşe Muradî hetê Şubeya 15. ya Mehkemaya Şorişî ya Tehranî ra bi qerarî dadger Ebulqasim Selewatî, bi îdiaya “endamtîya rêxistine” ameye sucdarkerdene û 10ê teşrîna peyêne de aye rê cezaya dardekerdişî ameye dayene.
