Rejîmê Îranî reyna bi dronan hêrişê kampê Komela Zehmetkêşanê Kurdîstanî yê sînoranê Silêmanî de yê kerd.
Ewro, serê sibayî rejîmê Îranî bi dronan hêrişê kampê Komela Zehmetkêşanê Kurdistanî yê sînoranê Silêmanî de yê kerd. Endamê Komîteya Merkezî yê Komela Zehmetkêşênê Kurdîstanî, Emced Hisên Pena, derheqê hêrişî de eşkerayîye da: “Ewro, serê sibayî rejîmê Îranî bi dronan herişêko gird kampê partîya Rojhelatê Kurdîstanî ser o kerd. Çarçewaya nê hêrişan de kamp û merkezê partîye ame hedefgirewtene.”
Emced Hisên, dîyar kerd ke keyeyê yew endamê mektebê sîyasî yê partîya înan Bangewre de ke nêzdî Zirguwêzî yo zî ameyo hedefgirewten û îfade kerd ket u zerarêk nêresayo endamê partîya înan.
Goreyê agahîyan peyînan, destpêkê şerê Amerîka-Îsraîl û Îranî ra, aşma sibata 2026î ra nat, hetanî nikarejîmê Îranî, zêdeyêrê 960î rey bi fuze û dronan hêrişê Başûrê Kurdîstanî kerdo. Netîceyê nê hêrişan rejîmê Îranî de zêdeyêrê 30 kesî cuya xo ra bîyî nêzdî 160î kes zî birîndar bîyî.
