Rejîmê Îranî cenazayanê girewteyanê sîyasîyan ê kurdan, Naser Bekîrzade û Mehrab Ebdullahzade yê ke Zindanê Urmîye de ameyî dardekerdene, teslîmê keyeyanê înan nêkeno. Her wîna rejîmî nêverda ke keyeyî merkezê Urmîye de tazîye ronê.
Rejîmê Komara Îslamî ya Îranî di ciwanê kurdî yê bi nameyê Naser Bekîrzade û Mehrab Ebdullahzade yê ke Zindanê Merkezî yê Urmîye de ameybî girewtiş, darde kerdî. Ameyo zanayene ke teberê waştişê keyeyan de, cenazeyê her di ciwananê kurdan hema zî teslîmê keyeyanê înan nêbîyê. Sazgeha Heqanê Merdiman a Hengawî, derheqê babete de zanayîşî pare kerdî û dîyar kerd ke Naser Bekîrzade 2yê gulane de û Mehrab Ebdullahzade zî 3yê gulane de hetê rejîmê Îranî ra ameyî dardekerdene ûdest dayo cenazeyanê înan.
Waştişê girewtişê cenazayan ame redkerdene
Goreyê raporêHengawî, pêro muracatê keyeyan ê seba girewtişê cenazeyan ameyî redkerdene. Hengawî nê zanayîşî dayî: “Rayedaranê Zindanê Merkezî yê Urmîye teslîmkerdişê cenazayan red kerd û merdimanê înan ra vat ‘cenazayî do qet teslîm nêbê.’ Her wina rayedaran nêverda ke keyeyî keyeyanê xo de pêvînayîş bikerê û Urmîye de tazîye ronê. Hêzanê rejîmî merdimê girewteyan mecbur kerdî ke tena dewanê xo de tazîye ronê.”
