Wezaretê Karê Zereyî yê Tirkîya qeyûm tayînê Şaredarîya Qaxizamanî kerd ke destê DEM Partî de ya. 3 hezîran 2024î ra nat heta nika qeyûm tayînî 12 şaredarîyan kerd.
Wezaretê Karê Zereyî yê Tirkîya qeyûm tayînê Şaredarîya Qaxizamanî kerd. Mehkemeya Cezaya Giran a 2. ya Qersî derheqê Hemşaredarê DEM Partî yê Qaxizmanî Mehmet Alkan de bi îdiaya “endamê rêxistene” 6 serr û 3 aşmî ceza daye. Dima ke mehkema ceza birnaye polîsan şarderî dorpêç kerdbî. Çar rojan ra pey Wezaretê Karê Zereyî yê Tirkîya qeyûm tayînê Şaredarîya Qaxizamanî kerd.
Qeyûm tayînî 12 şaredarîyan kerd
Wezaretê Karê Zereyî yê Tirkîya serr 2016î de qeyûm tayînî 95 şaredaranê BDP’yî kerd. Weçînitişê 31ê adare 2019î ra pey Wezaretê Karê Zereyî yê Tirkîya reyna dest bi tayînkerdişê qeyûman kerd. Wezaretî 2019î de reyna qeyûm tayînê 3 şaredarîyanê şaristanê gird, 5 şaredarî, 33 şaredarîyê qeza û 7 şaredarîyanê şaristanokan kerd. Bi temamî qeyûm tayînê 48 şaredarîyanê HDP’yî kerd. Wezaret reyna qeyûman de israr keno. Weçinitişê 31ê Adare 2024î ra pey reyna dest bi qeyûman kerd. 3 hezîran 2024î de qeyûm tayînê Şaredarîya Colemêrgî kerd. Uca ra pey qeyûm ser qeyûm tayîn kerdê. Tewr peyên 15ê sibate de qeyûym tayînê Şaredarîya Şaristanî Girdî ya Wanî û ewro zî qeyûm tayînê şaredarîya Qaxizmanî kerd. Weçinitişê 31ê Adare ra pey qeyûm tayînê 12 şaredarîyan kerd. Nê şaredarîyan ra 10ê înan yê DEM Partî û 2 hebî zî yê CHP yê.
