PJAK ke listeya Kongreya Azadîye ya Îranî ke London de yena kerdene, ra amebi vetene, badê nêrazîbîyayîşan ê pêvînayîşê ke ameyî kerdene, newe ra ame dawetkerdene.
Krîzê PJAK’î ke verê Kongreya Azadîye ya Îranî ya ke Londonê Îngîlîstanî de yena kerdene, vejîya bî, ame çareserkerdene. PJAK ke rixmo ke kongre rê amebi dawetkerdene, hela peyêne de lîste ra amebi vetene, newe ra ame dawetkerdene.
PJAK’î vatbi înan daweto verên qebul kerd la bîlasebeb lîsteya dawetî ra ame vetene ke no goreyê prensîbanê demokratîkan nîyo. Badê munaqeşeyanê ke ameyî kerdene û nêrazîbîyayîşê ke ameyî mojnayene selahîyatdaranê kongre vat înan qerar newe ra erjnayo û dawetê PJAK’î newe kerd.
Goreyê nê temsîlkarê PJAK’î do ewro tewrê kongre bibê û qisey bikerê.
Partî reyna vat ganî problemê mabênê hêzanê sîyasîyan ê kurdan bingeyê dîyalog û îtîfaqî de bêrê çaresekerdene.
