Vizêr şand Êlih de Mehmet Dîrek, laj û tornê xo hêrişêko çekdarî de ameyî kiştiş. Walîtîyê Êlihî derheqê hêrişî de eşkerayî daye û dîyar kerd ke hêriş rîyê dewamkerdişê dewaya gonî ya verêne ra ameyo kerdiş.
Vizêr şand Goristanê Asriyê yê Êlihî ke Taxa Guneykentî de ya, îdarekarê Qezaya Merkezî ya AKP’yî yê Êlihî Mehmet Dîrek, lajê ey Ercan Dîrek û birazayê ey Ebûbekîr Dîrek hêrişêko çekdarî de ameyî kiştiş. Dima ke vengê çekan ame eşnawitiş, şarê derûdorî şîyê cayê hedîse. Welatîyan rewşe ekîbanê weşîye rê agahî daye. Ekîbê weşîye ke ameyî cayê hedîse, tespît kerd ke heme hîrê kesan zî cuya xo vîndî kerda. Cenazaya heme hîrê welatîyan seba otopsîyî berd Nêweşxaneyê Perwerdeyî û Cigêrayîşî yê Êlihî.
Walîtîyê Êlihî derheqê hedîse de eşkerayîyêka nuştekî vila kerd û dîyar kerd ke hêriş de 3 kesan cuya xo vînîd kerda û 2 kesî zî birîndar bîyî. Walîtîyî da zanayene ke hêriş sey dewamkerdişê dewaya gonî hedîseya ke 16ê gulane de qewimîyaye, ameyo kerdiş. Walîtîyê ard vîr ke hedîseya 16ê gulane de zî kesêk amebi kiştene û kiştoxî amebî destbendkerdiş.
Derheqê hedîseya kiştişê heme hîrê welatîyan de cipersayîş ame destpêkerdiş û seba tespîtkerdiş û destbendkerdişê hêrişkaran xebate ameye destpêkerdiş.
