Endama Kolektîfê Ekolojîye ya Polenî Derya Sever dîyar kerd ke semedê qirkerdişê ekolojî peynî bibo û awankerdişê komelêkê ekolojikî ganî verpirsyarîyê pêvajoya aştîye bêro ca û wina va: “Aştîya xozaye ganî bi serkêşîya cinîyan pê bêro. Bê aştîya ekolojîye û cinsî semedê şaran zî aştî mumkin nîya. Sîstem nêvuryo do rijnayîşê ekolojîk dewam bikero. Ganî têkoşînê hempar ê ekolojîk bêro munayîş.”
Hemverê qirkerdişê ekolojî û awankerdişê komelêkê ekolojîkî bi serran o bi serkêşîya ekolojîstan têkoşîn dewam keno. Endama Kolektîfê Ekolojîye ya Polenî Derya Sever, derheqê aştîya wareyê ekolojîk de pê bêro ajansê Jinnewsî rê qisey kerd.
‘Şer zaf hetin o’
Derya Sever dîyar kerd ke rijnayîşê ekolojîk, binpaykerdişê kede û cinsperestî girêdayeyê yewbînan ê û va: “Şer xoza û cuya ekolojîk sey stratejî şuxilneno. Heta ke binpaykerdişê kede, sîstemê kapîtalîst peynî nêbo do pêvajoya aştîye zî temam nêbena. Ame vatiş pêwa ke petrolo ke Kurdistan ra ameyo vetiş, bi trîlyonan dolar kar ameyo kerdiş zî barê feqîrî bîyaye cinî, tutî û şarî rê yeno birnayîş. Heta no bêedaletî peynî nêbo, pêrodayîşî zî peynî nêbenê. Ganî têgêrayîşê cinîyan û azadîya kurdan û ekolojîkî pîya têkoşîn bikerê. Şer zaf hetin o.”
Pêvajoyaê aştîye ra heta nika 23 proje
Derya Sever dewam de wina va: “Serekkomar rojê vîyarte de îfadeyê seke do Kurdistan ra petrol bêro vetiş û herême turîzmî rê bêro akerdiş şuxilna. Binê nameyê asayîşî de qirkerdişê ekolojî do dewam bikero. Ganî ma pêvajoya aştî de şertê ekolojîk pê bîyarê. Aşma çileyî ra heta nika 23 projeyê petrol û gazê xozayî Amed, Şirnex û Sêrt de ameyî destpêkerdiş. No proje xeylê bê ÇED’î dewam kenê.”
‘Semedê aştîye têkoşînê hempar ê ekolojîkî’
Derya Sever tewr peyîn wina va: “Aştîya xozaye ganî bi serkêşîya cinîyan pê bêro. Bê aştîya ekolojî û cinsî semedê şaran zî aştî mumkin nîya. Sîstem nêvuryo do rijnayîşê ekolojîk dewam bikero. Ganî têkoşînê hempar ê ekolojîkî bêro averberdiş.”
