Verfeka DEM Partî Ayşegul Dogan ke nêweşxaneyê ke Sirri Sureyya Onder te de yeno dermankerdiş de manena ard ziwan ke goreyê agahîyê doktoran rewşa Sirri Sureyya Onderî de weşbîyayîşêk est o û va: “Weşatişêkê ey ê aştîyêka bi rûmet a. Ma bi hêvîyê ke bireso do xeyalanê xo.”
Endamê Heyetê Îmraliyî yê DEM Partîye û Serekwekîlê TBMM’î Sirri Sureyya Onder 15ê Nîsan de krîzê qelbî derbas kerd û peynî ey berdê nêweşxaneyî. Nêweşxaneyî de ame tesbîtkerdiş ke damarê pîl (aort)ê qelbê ey teqîyayo. Sirri Sureyya Onder ke Nêweşxaneyê Florence Nightingale yê Stenbolî de ameyat bî, tedawîya ey domyeno. Doktorê ke amelîyatê Sirri Sureyya Onder kerdî aşkera kerde ke rewşa Sirri Sureyya Onder de weşbîyayîşêk est o û verpers dano tedawî.
Nêweşxaneyî ra heme dorûverî ra temsîlkarê dîn, bawerî, şar, rayedarê Dewlete, serekê partîye ziyaret kerdê. Verfeka DEM Partî Ayşegul Dogan ke roja destpêkî ra nêweşxaneyî de ya, derheqê rewşa weşî ya Sirri Sureyya Onderî de ajansê ma rê qise kerd.
‘Weşbîyayîşêk est o’
Ayşegul Dogan ard ziwan ke goreyê agahîyê doktan, rewşa weşî ya Sirri Sureyya Onderî de weşbîyayêş est o û wina va: “Doktorî deqa bi deqa rewşa Sirri Sureyya Onder teqîp kenê û ma agahdar kenê. Goreyê agahîyê doktoran, operayonêko zaf bi telûkeyî derbas kerd. Tay damanarê ey ameyî bedilnayîş, doktorî vanî; nika rewşa ey weş a. Ma bi hêvî yê. Ma bi embazê xo ra bawerê ke hêz û kesayîya ey ya xoverdakar na nêweşî zî derbas biko.”
‘Weşatişê ey ê aştîyêka bi rûmet a’
Ayşegul Dogan bal ant ser xeyalê Sirri Sureyya Onder ê aştî û wina domna: “Ma vanê; do wardo û dewam bikero. Seba ke weşatişê ey ê aştîyêka bi rûmet est a. Ma bi hêvî yê do bireso xeyalanê xo. Seba heme şar û bawerîyan çareserîyêka demokratîk o, kedkarêkî na pêvajo yo. Ma bawer ê do wayîrê keda xo zî bivejo. Zaf hûmarî kes seba ey ewta de yê, bi zerrîgermî duayan kenê. Ma bi hêvî yê, nê dua û hêvî do netîce bigê.”
